ԱՄՆ-ը մտադիր է ավելացնել օգնությունը զարգացող երկրներին կլիմայի գլոբալ փոփոխության հետևանքների հաղթահարման գործում, հայտարարել է նախագահ Ջո Բայդենը ՄԱԿ-ի ամբիոնից:
«Ես ապրիլին հայտարարեցի, որ Միացյալ Նահանգները կկրկնապատկի ֆինանսավորումը զարգացող երկրներին՝ կլիմայի ճգնաժամի հաղթահարման համար … Այսօր ես հպարտ եմ հայտարարել, որ մենք Կոնգրեսի հետ կաշխատենք կրկին այդ գումարը կրկնապատկելու համար», – ասել է Բայդենը ՄԱԿ-ի Գլխավոր ասամբլեայի 76-րդ նստաշրջանին ելույթ ունենալիս:
Նա վստահ է, որ ԱՄՆ-ն, այլ երկրների հետ միասին, կկարողանա հավաքել 100 միլիարդ դոլար, ինչը զարգացող երկրներին կաջակցի գլոբալ տաքացման հետևանքները հաղթահարելու հարցում, հայտնում է ՌԻԱ գործակալությունը:
