Կորոնավիրուսի առավել մահացու շտամները, ինչպես յոտան, սովորաբար մյուսներից ավելի տարածված չեն դառնում և չեն գոյատևում, քանի որ վիրուսին ձեռնտու չէ մարդուն սպանել, այն չի կարող գոյություն ունենալ արտաքին միջավայրում: Այդ մասին «ՌԻԱ» գործակալությանը հայտնել է բժիշկ վարակաբան Եվգենի Տիմակովը: Միևնույն ժամանակ նա նշել է, որ անհրաժեշտ է վերլուծել նոր շտամի համաճարակաբանությունը, թե որքանով է այն վարակիչ, որպեսզի պարզ դառնա, արդյոք այն կարող է դառնալ դելտայից ավելի վարակիչ։
Յոտա շտամը բացահայտվել է անցյալ տարվա աշնանը Նյու Յորքում։ Ավելի վաղ կատարված ուսումնասիրության մեջ, որը հրապարակվել է medRxiv կայքում, զեկուցվել էր, որ յոտա շտամը մեծացնում է վարակից մահվան ռիսկը 46%-ով, 82%-ով և 62%-ով 45-64, 65-74 տարեկան և 75-ից բարձր տարիքի մարդկանց մոտ համապատասխանաբար:
