Վաղը Սպիտակ տանը կայանալիք հանդիպման ժամանակ եվրոպացի առաջնորդները, այդ թվում՝ Վլադիմիր Զելենսկին, ԱՄՆ նախագահից մանրամասն տեղեկատվություն կստանան Ուկրաինայի անվտանգության երաշխիքների վերաբերյալ. հայտարարել է Ֆրանսիայի նախագահ Էմանուել Մակրոնը։
«Ռուսաստանի կողմից առաջարկվող խաղաղությունը, ըստ էության, Ուկրաինայի կապիտուլյացիա է։ Պուտինը խաղաղություն չի փնտրում: Ուկրաինային անհրաժեշտ է ուժեղ բանակ՝ երկարատև խաղաղության հասնելու համար»,-ասել է Մակրոնը։
Ֆրանսիայի նախագահը նաև նշել է, որ տարածքային հարցերը բանակցությունների սեղանի շուրջ քննարկելու իրավունքը պատկանում է բացառապես Ուկրաինայի կառավարությանը։
«Վաշինգտոնում կայանալիք բանակցությունների նախօրեին իրավիճակը չափազանց լուրջ է ոչ միայն Ուկրաինայի, այլև ամբողջ Եվրոպայի համար», – հավելել է Մակրոնը։
