Ռուսաստանը կողմ է քիմիական զենքի կիրառման հետաքննության ՄԱԿ-ի մեխանիզմի թարմացմանը, ասվում է ՌԴ ԱԳՆ չտարածման և սպառազինությունների վերահսկման վարչության տնօրեն Վլադիմիր Երմակովի հայտարարության մեջ, որն ընթերցվել է ՄԱԿ-ի Գլխավոր ասամբլեայի առաջին կոմիտեի նիստում:
«Անհրաժեշտ է քննարկել քիմիական և կենսաբանական զենքի հնարավոր օգտագործման դեպքերի հետաքննության ՄԱԿ-ի գլխավոր քարտուղարի մեխանիզմի սկզբունքների և ընթացակարգերի արդիականացման հարցը», – կարդացել է ռուսական պատվիրակության ներկայացուցիչը:
Այդ նպատակով՝ Ռուսաստանը բանաձևի նախագիծ է ներկայացնում ՄԱԿ-ի Գլխավոր ասամբլեայի զինաթափման հարցերով զբաղվող առաջին կոմիտեին, հաղորդում է ՌԻԱ գործակալությունը:
«Ակնկալում ենք լայն աջակցություն և համահեղինակություն»,- ասել է դիվանագետը:
