Պաղեստինը կոչ է անում Մերձավոր Արևելքի կարգավորման հարցով միջազգային միջնորդների «քառյակին» (Ռուսաստան, ԱՄՆ, ՄԱԿ, ԵՄ) շտապ հանդիպել արտգործնախարարների մակարդակով: Այդ մասին շաբաթ օրը ՏԱՍՍ-ին հայտնել է Մոսկվայում Պաղեստինի դեսպան Աբդել Հաֆիզ Նոֆալը:
«Մենք կարծում ենք, որ Ռուսաստանի գոյություն ունեցող դիրքը կառուցողական է և այն ոչ միայն պետք է պահպանվի, այլև դրան զարգացում պետք է տրվի: Անհրաժեշտ է շուտափույթ կերպով Մոսկվայում կամ այլ տեղ գումարել Մերձավոր Արևելքի քառյակի հանդիպում նախարարների մակարդակով: Դա անհրաժեշտ է իրադարձությունների վտանգավոր զարգացումը դադարեցնելու համար», ասել է նա:
Աբդել Հաֆիզ Նոֆալը նշել է, որ Պաղեստինը գնահատում է Թուրքիայի ցուցաբերած աջակցությունը, բայց չի ցանկանում համեմատել ներկայիս սրումը Լեռնային Ղարաբաղի իրավիճակի հետ:
