Ռուսաստանի վարչապետ Միխայիլ Միշուստինը հույս ունի, որ կորոնավիրուսի դեմ Ռուսաստանի Դաշնության բնակչության զանգվածային պատվաստումները շուտով կավարտվեն:
«Արդեն գրանցվել է երեք պատվաստանյութ, չորրորդ պատվաստանյութը ճանապարհին է: Հուսով եմ, որ շուտով կավարտենք զանգվածային պատվաստումները», ասել է նա չորեքշաբթի Ռուսաստանի լիբերալ-դեմոկրատական կուսակցություն խմբակցության Պետդումայի պատգամավորների հետ հանդիպման ժամանակ:
Միշուստինը շնորհավորել է կուսակցության առաջնորդ Վլադիմիր Ժիրինովսկու ծննդյան օրը (ապրիլի 25-ին նա դարձավ 75 տարեկան), մաղթել առողջություն, ստեղծագործական հաջողություններ՝ «ոչ միայն որպես քաղաքական գործչի, այլև որպես գիտնականի, ավելի քան 500 գրքերի և ուսումնասիրությունների հեղինակի»։
