Ֆրանսիայի նախագահ Էմանյուել Մակրոնը և Ադրբեջանի նախագահ Իլհամ Ալիևը պայմանավորվել են համագործակցել՝ հասնելու տարածաշրջանային կայունության: Այդ մասին ասված է երկու առաջնորդների հեռախոսազրույցից հետո Ելիսեյան պալատի՝ այսօր տարածած հայտարարության մեջ:
«Ադրբեջանի և Ֆրանսիայի նախագահներ Իլհամ Ալիևը և Էմանյուել Մակրոնը պայմանավորվել են տարածաշրջանում կայունության ամրապնդման ուղղությամբ համագործակցության մասին՝ հենվելով ԵԱՀԿ Մինսկի խմբի համանախագահների (Ռուսաստան, Ֆրանսիա, ԱՄՆ) աջակցության վրա», նշել է Ֆրանսիայի առաջնորդի վարչակազմը:
Ֆրանսիայի և Ադրբեջանի առաջնորդները ընդգծել են տարածաշրջանային կայունության հասնելու ԵԱՀԿ Մինսկի խմբի ջանքերի կարևորությունը:
