Ադրբեջանի նախագահի օգնական և նախագահի աշխատակազմի արտաքին քաղաքականության բաժնի ղեկավար Հիքմեթ Հաջիևը խոսել է Ադրբեջանի և Ռուսաստանի միջև հարաբերությունների մասին։
Բրյուսելում EU Today-ին տված հարցազրույցում Հիքմեթ Հաջիևը նշել է, որ անցյալ տարվա դեկտեմբերին Ռուսաստանի օդային տարածքում ադրբեջանական ինքնաթիռի խոցումից հետո առաջացել են որոշակի հույզեր և թյուրըմբռնումներ, սակայն պաշտոնական Բաքվի մտահոգությունները երկրների ղեկավարների մակարդակով քննարկվել են Դուշանբեում։
Նրա խոսքով՝ Ադրբեջանը Ռուսաստանին ներկայացրել է չորս պահանջ՝ պաշտոնական ներողություն, վթարի համապարփակ հետաքննություն, մեղավորներին պատասխանատվության ենթարկել և փոխհատուցում։
«Երբ այս հարցերը լուծվեն, մենք կշրջենք թյուրըմբռնումների էջը և կշարունակենք երկու երկրների միջև նորմալ, բարիդրացիական հարաբերությունները», – նշել է Հիքմեթ Հաջիևը։
