Արևմուտքի երկրները ԱՄՆ-ի գլխավորությամբ չեն կարողանա փոխել այն փաստը, որ Ղրիմի թերակղզին ընդմիշտ վերադարձել է Ռուսաստան: Այս մասին հայտարարել է ՌԴ արտգործնախարար Սերգեյ Լավրովը Ռուսաստանի Դաշնության հետ Ղրիմի վերամիվորման յոթերորդ տարեդարձի կապակցությամբ:
«Ղրիմի ճակատագիրն ու ապագան հավերժ մնում է Ռուսաստանի հետ: Անկախ նրանից՝ դա ինչ-որ մեկին դուր կգա, թե ոչ: ԱՄՆ-ի գլխավորությամբ Արևմուտքի պետությունների ոչ մի գործողություն չի կարող փոխել այս իրողությունը՝ ո՛չ միջազգային-իրավական, ո՛չ քաղաքական և ո՛չ էլ բարոյական տեսանկյունից», ասել է Լավրովը:
Ռուսաստանի արտգործնախարարը հիշեցրել է, որ յոթ տարի առաջ թերակղզու բնակիչները կողմ են արտահայտվել Ռուսաստանի Դաշնությանը միանալուն և անցկացրել են «միջազգային իրավունքին ամբողջովին համապատասխան հանրաքվե», հաղորդում է news.ru-ն:
