Աֆղանստանի թալիբների կառավարությունում կանանց աշխատատեղեր կլինեն, հայտարարել է «Թալիբան» շարժման ներկայացուցիչ Զաբիուլլա Մուջահիդը։
«Այս կառավարությունը ժամանակավոր է: Մենք կանանց պաշտոններ կունենանք՝ շարիաթի օրենքներին համապատասխան: Սա սկիզբն է, բայց մենք տեղ կգտնենք կանանց համար: Նրանք կարող են լինել կառավարության մաս: Դա կլինի մեր երկրորդ փուլը», – ասել է նա ֆրանսիական BFMTV հեռուստաալիքին։
