ԵՄ արտաքին գործերի և անվտանգության քաղաքականության գերագույն ներկայացուցիչ Ժոզեպ Բորելը կարծում է, որ ԵՄ-ն պետք է ուղիներ փնտրի Ռուսաստանի հետ փոխգործակցության համար: Այս կարծիքը նա հայտնել է El Pais թերթին տված հարցազրույցում:
«Մենք պետք է Ռուսաստանի հետ փոխըմբռնման ուղիներ փնտրենք այն հարցերի շուրջ, որոնց լուծման համար դա մեզ անհրաժեշտ է», ասել է ԵՄ դիվանագիտության ղեկավարը: «Ես այնքան էլ վստահ չեմ, որ [երկխոսություն հաստատելու] ամենահարմար ձևաչափը Պուտինն է ՝ շրջապատված միության 27 անդամներով։ Նախ, 27-ը [ԵՄ երկրները] պետք է համաձայնեցնեն, թե ինչ են ասելու Պուտինին»:
«Քաղաքականությունը չի կարող հիմնվել միայն պատժամիջոցների վրա, բայց գալիս է պահ, երբ դրանք պետք է ներդրվեն, քանի որ հակառակ դեպքում դա կնշանակեր, որ դուք սահմանափակվում եք հայտարարություններով», ասել է ԵՄ դիվանագիտության ղեկավարը:
