ԱՄՆ պետքարտուղար Էնթոնի Բլինկենը Վենեսուելայի ընդդիմության առաջնորդ Խուան Գուայդոյի հետ հեռախոսազրույցում քննարկել է իրավիճակը Վենեսուելայի Բոլիվարիական Հանրապետությունում: Այս մասին հաղորդել է Պետդեպարտամենտի մամուլի ծառայությունը:
«Բլինկենը շեշտեց ազատ և արդար ընտրությունների միջոցով Վենեսուելայում ժողովրդավարությանը վերադառնալու անհրաժեշտությունը: Պետքարտուղարը <…> նկարագրեց ԱՄՆ ջանքերը՝ աշխատելու համախոհների, այդ թվում ԵՄ-ի, Լիմայի խմբի, Ամերիկյան պետությունների կազմակերպության և Միջազգային շփման խմբի հետ՝ խաղաղ ժողովրդավարական անցման համար բազմակողմ ճնշումը մեծացնելու նպատակով», ասված է հաղորդագրության մեջ:
