Իտալիայի նախկին վարչապետ Սիլվիո Բեռլուսկոնին հոսպիտալացվել է Միլանում: Ինչպես ՏԱՍՍ-ին հայտնել է նախկին վարչապետի ներկայացուցիչը, 84-ամյա քաղաքական գործչի ինքնազգացողությունը բավարար է:
«Հոսպիտալացումն անհրաժեշտ էր մանրակրկիտ կլինիկական հետազոտություն անցկացնելու համար», – ասել է գործակալության զրուցակիցը:
Բեռլուսկոնին երեկվանից գտնվում է Սան Ռաֆայելե հիվանդանոցում: Ինչպես նշում է ANSA գործակալությունը, նախկին վարչապետը հերթական հետազոտությունը կանցնի գրեթե մեկ տարի առաջ կրած COVID-19 հիվանդությունից հետո: Նրա մոտ երկկողմանի թոքաբորբ էր ախտորոշվել վաղ փուլում:
