Կորոնավիրուսով վարակման և COVID-19-ից մահացությունների դեպքերն աշխարհում վերջին երկու ամսվա ընթացքում առաջին անգամ աճ են գրանցել, հայտարարել է Առողջապահության համաշխարհային կազմակերպության (ԱՀԿ) գլխավոր տնօրեն Թեդրոս Ադհանոմ Գեբրեյեսուսը։
Նա պարզաբանել է, որ չնայած Եվրոպայի սահմաններից դուրս վարակվածների թվի նվազմանը, մայրցամաքում դեպքերի աճը ստվերում է այդ թվերը։
Սա ևս մեկ հիշեցում է, որ COVID-19 համաճարակը մոտ չէ ավարտին, ասվում է ԱՀԿ կայքում։ Գեբրեյեսուսի խոսքով՝ վարակի տարածման պատճառների թվում է անհավասարությունը տարբեր երկրներում թեստերի և պատվաստումների հասանելիության հարցում։
