Պարենային անվտանգության հարցերը մեզ համար միշտ կարևոր են եղել։ Կառավարությունը ծախսում է ՀՀ քաղաքացիների փողը, հաշվարկներ են արվում, և տնտեսապես նպատակահարմար ծրագրերն են իրականացվում։ Իսկ Հայաստանում ցորենի արտադրությունը տնտեսապես ձեռք չտվող գործընթաց է։ Լրագրողների հետ զրույցում այս մասին այսօր ասաց Էկոնոմիկայի նախարար Գևորգ Պապոյանը։
«Օրինակ՝ 1 հա ջրովի տարածքից ստացվում է 400 հազար դրամի ցորեն, այնինչ ծախսվում է 420 հազար դրամ։
Հայաստանում պետք է ինտենսիվ այգեգործությունը զարգացնենք, որը շատ ավելի արժեքավոր և եկամտաբեր գործընթաց է, և առաջացած գումարով ներմուծենք այն, ինչը Հայաստանում չկա»,- ասաց նա։
