ՆԱՏՕ-ն և Ուկրաինան 2024թ. համագործակցության ծրագիր են ստորագրել:
Ուկրաինա-ՆԱՏՕ խորհրդի ԱԳ նախարարների հանդիպման արդյունքների հիման վրա արված հայտարարության մեջ ասվում է, որ ծրագիրը ներառում է Ուկրաինայի զինված ուժերի վերապատրաստում և երկրի էներգետիկ անվտանգության ապահովում։
«ՆԱՏՕ-ն և Ուկրաինան արդեն համագործակցում են և որոշումներ են կայացնում իրավահավասարության հիման վրա հարցերի լայն շրջանակի, էներգետիկ անվտանգության, նորարարության, կիբերպաշտպանության վերաբերյալ»,- նշել են համագործակցող կողմերը։
Նշենք, որ ՌԴ ԱԳՆ ներկայացուցիչ Մարիա Զախարովան այսօրվա ճեպազրույցում խոսել է Արևմուտք-Ուկրաինա համագործակցության մասին։ Իսկ Ռուսաստանի փոխարտգործնախարար Սերգեյ Ռյաբկովը «Իզվեստիա»-ին ասել է, որ 2024-ին Ուկրաինայի դեմ պատերազմը կշարունակվի, զինադադար չի լինի։
