«Ձայնեղ» ձուկը
Երկրի ամենափոքր ձկներից մեկը կարող է ատրճանակի կրակոցից ձայնից ավելի բարձր ձայն հանել: «Ձայնեղ» ձկան մասին հետազոտությունը հրապարակվել է «Proceedings of the National Academy of Sciences» ամսագրում:
Բեռլինի «Charité» համալսարանի գիտնականները պարզել են, որ «Danionella» ձկան 12 միլիմետրանոց արուն կարող է 40 դեցիբելի հասնող ձայն արձակել, ինչն ավելի բարձր է, քան, օրինակ, շտապօգնության մեքենայի ազդանշանը կամ հարվածահատ մուրճի ձայնը։
Ձուկը ձայնի արտադրության յուրահատուկ համակարգ ունի՝ բաղկացած թմբուկավոր կռճիկից, առանձնահատուկ նիստերից եւ դիմացկուն մկաններից։
Հետազոտող-գիտնականներին չի հաջողվել ստանալ հարցի պատասխանը, թե ինչո՞ւ է ձուկն այդքան բարձր ձայն հանում։ Նրանք ենթադրում են, որ բարձր ձայնը, գուցե, օգնում է լողալ պղտոր ջրերում կամ էլ նրանք այդկերպ վախեցնում են արու մյուս ձկներին։
Ս․Վ․
