«Արցախը ճանաչեցիք Ադրբեջանի անբաժան մաս՝ մեզ ենթարկելով բլոկադայի, հումանիտար ճգնաժամի, որտեղ սովից երեխաներ են մահանում և կան 120․000 արցախահայության ցեղասպանոթյան վտանգ։ Դուք Ձեզ պատասխանատու չե՞ք զգում, Ձեր խիղճը Ձեզ չի՞ տանջում ու Դուք կարո՞ղ եք արդյոք քաղաքական կամք դրսևորել և հրաժարական տալ, քանի որ բերել եք հասարակության պառակտում, բանակցությունների տապալում, պատերազմ, խայտառակ պարտություն, հայրենիքի 80 տոկոսի հանձնում։ Հիմա հարց՝ ո՞վ եք դուք, անհաջող քաղաքական գործիչ, թե դավաճան, միթե չեք հասկանում, որ մենք ճկվում ենք, բայց չենք կոտրվում, մենք մեր սարերի պես անկոտրում ենք, չե՞ք վախենում արժանանալ Մելիք Ֆրանգյուլի ճակատագրին»,-Շուշիում կռված Միքայել Առաքելյանի հարցն էր լրագրողն ասուլիսի ժամանակ փոխանցել Փաշինյանին։
Փաշինյանը հունից դուրս եկավ, խիստ վրդովվեց.«Թող ոչ մեկին չթվա, թե Ղարաբաղի ակցենտով խոսելը, նշանակում է լինել հերոս, մի ստիպեք ինձ ամեն անգամ հիշել 2020թ-ի սեպտեմբերի 28-ին առաջացած խցանումների մասին։ Ստեփանակերտում մարդ չկար, իմ կինը գնացել էր այնտեղ, նույնիսկ կին չկար Ստեփանակերտում, բոլորը պատերազմի ժամանակ եկել էին Երևան»։
Լրագրողը պահանջեց, որ Փաշինյանը ոչ թե ասի Լեռնային Ղարաբաղ, այլ Արցախ կամ Արցախի Հանրապետություն։
«Ես ասում եմ ԼՂ, որովհետև կարող եմ միջազգային հանրությանը բացատրել, թե դա ինչ է նշանակում, նրանք, ԼՂ հասկացության օգտագործման մեջ տեսնում են դավադրություն ու օգտագործում՝ Արցախ-Արցախ, նրանք իրենց դիրքորոշումը համաձայնեցնում են Ադրբեջանի պաշտոնական դիրքորոշման հետ, հո կենացով չէ։ Այդ մեր ընկերը, որ ասում է մենք անկոտրում ենք, կներեք, մի ստիպեք ինձ ամեն անգամ հիշել 2020թ-ի սեպտեմբերի 28-ին առաջացած խցանումների մասին ՝ Ստեփանակերտից դեպի Երևան։ Ասում են՝ դավաճան եք, Շուշին հանձնել եք։ Ինչու չեն հրաժարվում դավաճանից փող ստանալուց, գիտե՞ք ինչքան կենացներ եմ լսել, անձամբ ճանաչում եմ այդպես կենաց ասողների, ովքեր պատերազմի ժամանակ 300-ի տակ ճողոպրում էին, թող ոչ մեկին չթվա, թե Ղարաբաղի ակցենտով խոսելը նշանակում է լինել հերոս»,- ասաց Նիկոլ Փաշինյանը։
