Նեպալում հակաիշխանական անհնազանդության ցույցերն ահագնանում են։
Նեպալի նախագահ Ռամ Չանդրա Պաուդելը, չկարողանալով զսպել ցույցերը, հրաժարական է տվել։ Հրաժարական է տվել նաև երկրի վարչապետը։ Բանակը ևս ներգրավված է անկարգությունները զսպելու համար։ Ցուցարարներն այրել են նախագահի նստավայրի ու ԱԺ-ի շենքերը։
Տելեգրամյան ալիքները հայտնում են երկրի նախկին վարչապետ Ջալանաթ Խանալի կնոջ մահվան մասին. Ռաջալաքշմի Չիտրակարին ցուցարարները նախ փակել են տանը, իսկ հետո՝ այրել:
Նրանք հենց փողոցում ծեծի են ենթարկել վարչապետին, ԱԳ նախարարին ու ֆինանսների նախարարին։
Ցուցարարներն սկզբում իրենց բողոքն են հայտնել սոցցանցերի դեմ իշխանությունների արգելքի հանդեպ։ Չնայած կառավարությունը չեղարկել է FB, X հարթակների (որոնք չեն գրանցվել պետական ռեեստրում) արգելքի որոշումը, այնուամենայնիվ, նեպալցիները չեն հանդարտվում։ Արդեն 20 մարդ մահացել է բախումների հետևանքով, ևս 145-ը՝ տարբեր աստիճանի վնասվածքներ ստացել։
Երկրում արտակարգ դրություն է հայտարարված։
Տեսանյութը՝ այստեղ
