Տեսանյութ. «Մասկի շոու». ուժայինները Վարդան Ղուկասյանին շենքից հանել են՝ ջարդելով հետնամուտքերից մեկի դուռը և առևանագել

Վարդան Ղուկսայանին ԱԱԾ-ն բերման է ենթարկել՝ առևանգելով։

Ժողովրդի ուշադրությունը կենտրոնացնելով Գյումրու քաղաքապետարանի գլխավոր մուտքի մոտ սրված իրավիճակի վրա՝ ուժայինները Վարդան Ղուկասյանին հանել են հետնամուտքից՝ ջարդելով դռներից մեկը ու բազմության ուշադրությունից հեռու՝ նրան տարել։

ԱԱԾ դիմակավորված աշխատակիցները, հատուկջոկատայիններն ուղեկցել են նրան։

Հրապարակվել է տեսանյութ, որում երևում է, որ Վարդան Ղուկասյանը չի խոչընդոտում ուժայինների գործողոթւյուններին, սակայն վերջիններս նրա ձեռքերը բռնել են ու վազեցնում են դեպի մեքենան՝ հարայ-հրոց գցելով ու տագնապալի իրավիճակ ստեղծելով։

Կարճ ասած՝ «մասկի շոու»։

Հիշեցնենք, որ առավոտից իշխանական ներկայացուցիչները հերսոտած գրառումներ են անում՝ չթաքցնելով, որ Վարդան Ղուկասյանին իրենց թեկնածուից գերադասելու գյումրեցիների ընտրությունը մնացել է կոկորդներին։ Չեն թաքցնում նաև իրենց հրճվանքը՝ այս օրվան սպասել են 6 ամիս։

Հիշեցնենք, որ Հակակոռուպցիոն կոմիտեն Վարդան Ղուկասյանին և ևս 7 անձի մեղադրում է կաշառք ստանալու մեջ։

ՔՊ-ն չկարողացավ Գյումրիում իշխանության գալ ընտրություններով, հիմա փորձում է քաղաքային իշխանությունը խլել ձերբակալություններով ու քաղաքապետին առևանգելով։