Տեսանյութ. Իսպանիայում մարդիկ հերթ են կանգնում, որպեսզի մասնակցեն աղետի գոտու մաքրման աշխատանքներին

Իսպանիայում մարդիկ հերթ են կանգնում, որպեսզի կամավոր կերպով իրենց տանեն ջրհեղեղից տուժած աղետի գոտիներում աշխատելու։

Հատկապպես Վալենսիան ամենաշատն է տուժել։ Ինչպես հայտնի է, հորդառատ անձրևներից առաջացած ջրհեղեղների զոհ է դարձել 200-ից ավելի մարդ, նույնքան անհետ կորածներ կան։

Իսպանիայի տարբեր բնակավայրերից հազարավոր մարդիկ կազմակերպված հերթեր են կանգնում, որպեսզի մասնակցեն աղետի գոտու մաքրման աշխատանքներին, օգնեն տուժածներին։

Նշենք, որ վարչապետ Պեդրո Սանչեսը եռօրյա ազգային սուգ էր հայտարարել: Ծայրահեղ պայմանները շարունակվում են՝ սահմանափակելով փրկարարական աշխատանքները։

Երեքշաբթի մի քանի ժամում Վալենսիայի շրջանում ամբողջ տարվա ծավալով անձրև է եկել։