Հոկտեմբերի25-ին, Տավուշի մարզպետ Հայկ Ղալումյանն աշխատանքային այցով Նոյեմբերյան համայնքում էր։ Մարզպետը Նոյեմբերյանի համայնքապետ Արսեն Աղաբաբյանի ուղեկցությամբ շրջել է համայնքի մի շարք բնակավայրերում, ծանոթացել սուբվենցիոն ծրագրերով կատարվող աշխատանքնեերի ընթացքին։
Մարզպետարանից NEWS.am-ին հայտնում են, որ այնուհետեւ Նոյեմբերյանի համայնքապետարանում մարզպետ Հայկ Ղալումյանի գլխավորությամբ տեղի է ունեցել խորհրդակցություն, որին մասնակցել են Նոյեմբերյան խոշորացված համայնքի վարչական ղեկավարները։ Խորհրդակցության ընթացքում քննարկվել են համայնքում առկա մի շարք խնդիրներ եւ դրանց լուծման հնարավոր տարբերակները։
