Վրաստանի նախագահը հայերեն շնորհավորել է վիրահայերին՝ Սուրբ Ծննդյան առիթով
Վրաստանի նախագահ Սալոմե Զուրաբիշվիլին Հայ առաքելական եկեղեցուն և Վիրահայոց թեմին շնորհավորել է Սուրբ Ծննդյան և Աստվածահայտնության տոնի առթիվ, գրում է aliq.ge-ն:
«Սուրբ Ծննդյան և Աստվածահայտնության տոնի առթիվ սրտանց շնորհավորում եմ Հայ առաքելական եկեղեցուն և նրա ծխականներին աշխարհի բոլոր ծայրերում, հատկապես Վրաստանում բնակվող մեր հայազգի քաղաքացիներին։
Նրանց հետ շնորհավորում եմ նաև այն դավանանքների ներկայացուցիչներին, ովքեր այսօր նշում են Տիրոջ Ավետումը։ Միանում եմ ձեր ուրախությանը և մաղթում խաղաղություն, առողջություն և բարեկեցություն»,- ֆեյսբուքյան իր էջում գրել է նախագահը:
