Վերջին տվյալներով՝ Թուրքիայում երկրաշարժից զոհվել է 1541, Սիրիայում՝ 461 մարդ
Փետրվարի 6-ի երկրաշարժը 1939-ից ի վեր Թուրքիայում եղի ունեցած երկրաշարժերից ամենաուժեղն էր։ Այսօր՝ կեսօրից հետո, ևս մեկ հզոր ցնցում է եղել՝ ավելի քան 7 բալ ուժգնությամբ։ Հետցնցումները տասնյակներով են։
Ավերվել է երկրաշարժի էպիկենտրոն Մարաշ քաղաքը, ինչպես նաև Այնթափը, Դիարբեքիրը, Ուրֆան։
Երկրաշարժը խիստ ավերածություններ է արել նաև Սիրիայում. վերջին տվյալներով զոհվել է 461, վնասվածքներ ստացել՝ 1.300 մարդ։
Վնասվել են մշակութային ժառանգության կոթողներ. ավերվել է Այնթափի՝ մզկիթ դարձած Սուրբ Մարիամ Աստվածածին հայկական եկեղեցին։ Հալեպի ամրոցը, որը գրանցված է ՅՈՒԵԵՍԿՕ-ում, վնասվել է, ճաքեր են առաջացել։
Երկրաշարժի ցնցումները զգացվել են Լիբիայում, Իսրայելում, Հայաստանում, Իրաքում, գրանցվել են նույնիսկ Գրենլանդիայում։
