Ս․թ․ մարտի 4-ին Վաշինգտոնում տեղի ունեցավ ՀՀ զինված ուժերի կազմավորման 33-րդ ամյակին նվիրված միջոցառում, որին ամերիկյան կողմից մասնակցում էր Կանզասի ազգային գվարդիայի հրամանատար, գեներալ-մայոր Մայքլ Վեներդին, հայտնում են ԱՄՆ-ում ՀՀ դեսպանությունից։
Միջոցառմանը ելույթներով հանդես եկան փոխդեսպան Արմեն Տեփանյանը և դեսպանության ռազմական կցորդ, գնդապետ Հրայր Գեղամյանը։
Միջոցառմանը մասնակցեցին ԱՄՆ-ում հավատարմագրված դեսպանությունների ռազմական կցորդները, Հայ առաքելական եկեղեցու ԱՄՆ Արևելյան թեմի թեմական պատվիրակ Վիգեն արքեպիսկոպոս Հայկազյանը և եկեղեցու հոգևոր հովիվ Հովսեփ քահանա Կարապետյանը, ինչպես նաև հայ համայնքի ներկայացուցիչները։
Միջոցառմանը հետևեց հյուրերի համար կազմակերպված ընդունելություն։
