Ուկրաինայի նախկին նախագահ Յուշչենկոն Բաքու է գնացել, հանդիպել է Ալիևի հետ
Նախագահ Իլհամ Ալիևը հանդիպել է Ուկրաինայի նախկին նախագահ Վիկտոր Յուշչենկոյի հետ. հայտնում է ադրբեջանական APА-ն։
Ուկրաինայի նախկին նախագահ Վիկտոր Յուշչենկոն գտնվում է Բաքվում. սոցիալական ցանցերում հայտարարել է Ադրբեջանում Ուկրաինայի դեսպան Յուրի Գուսևը։
«Ինձ համար մեծ պատիվ է ողջունել Ուկրաինայի երրորդ նախագահ Վիկտոր Յուշչենկոյին Բաքվում», – ասվում է գրառման մեջ։
Դեսպանը այցի նպատակի մասին որևէ տեղեկություն չի տրամադրել։
Վիկտոր Յուշչենկոն Ուկրաինայի նախագահ է եղել 2005-ից 2010 թվականներին։
«Ես հանդիպեցի Բաքվում գտնվող Ուկրաինայի նախկին նախագահ Վիկտոր Յուշչենկոյի հետ։
Մենք կիսվեցինք մեր ավելի քան 20 տարվա ծանոթության հաճելի հիշողություններով, հիշեցինք ադրբեջանա-ուկրաինական հարաբերությունների ամրապնդման ուղղությամբ մեր կատարած համատեղ աշխատանքը և կարծիքներ փոխանակեցինք կապերի հետագա զարգացման հեռանկարների վերաբերյալ։
Հանդիպման ընթացքում Ադրբեջանում Ուկրաինայի դեսպանը ինձ հանձնեց «Իրպին քաղաքի պատվավոր քաղաքացի» վկայականը», – նշվում է Ալիևի և Յուշչենկոյի հանդիպման մասին պաշտոնական հրապարակման մեջ։
