«Վագներ» ՄՌԸ ղեկավար Եվգենի Պրիգոժինի հայտարարությունների հետ կապված իրավիճակի մասին
ՌԴ նախագահ Վլադիմիր Պուտինը տեղեկացված է Պրիգոժինի շուրջ ստեղծված իրավիճակի մասին, «ձեռնարկվում են բոլոր անհրաժեշտ միջոցները», – ասել է Դմիտրի Պեսկովը։
Պրիգոժինի հայտարարություններից հետո Ռուսաստանի անվտանգության դաշնային ծառայությունը գործ է հարուցել զինված ապստամբություն հրահրելու վերաբերյալ, հաղորդում է Ազգային հակաահաբեկչական կոմիտեն։
Ինքը՝ Պրիգոժինը, հրապարակված մեկ այլ գրառման մեջ նշել է. «Սա ռազմական հեղաշրջում չէ, սա արդարության երթ է: Մեր գործողությունները ոչ մի կերպ չեն խանգարում զորքերին»:
«Վագներ» մասնավոր ռազմական ընկերության ղեկավարը պնդում է, որ պաշտպանության նախարար Սերգեյ Շոյգուն իբր հրամայել է 2000 դիակ թաքցնել Դոնի Ռոստովի դիահերձարանում՝ «կորուստներ չցուցաբերելու համար»։
Դոնի Ռոստովում ուժայինները բարձր պատրաստվածության են, ասում է այսպես կոչված Դոնեցկի նախկին առաջնորդներից՝ Իգոր Գիրկինը։
«Պուտինի փխրուն դիկտատուրան ընկել է»,- ասել է Ուկրաինայի ռազմական հետախուզության ղեկավար Կիրիլ Բուդանովը։
