Ստեփանակերտ-Բաքու հաջորդ հանդիպումը տեղի կունենա Ստեփանակերտում
Այսօր, Եվլախում բացի «վերաինտեգրման հարցերից», քննարկվել է հաջորդ հանդիպումն անցկացնելու հարցը։
Ադրբեջանական լրատվամիջոցները հաղորդում են Ալիևի գրասենյակի հայտարարությունը, ըստ որի՝ արցախյան ու ադրբեջանական կողմերի հաջորդ հանդիպումը նախատեսված է հոկտեմբերի 2-ին, Ստեփանակերտում։
Ադրբեջանական կողմը հայտարարում է, որ այդ օրը նաև նախատեսվում է սոցիալական, հումանիտար, տնտեսական և ենթակառուցվածքային հարցերով աշխատանքային խմբի անդամների այցը Ստեփանակերտ։
