Տեղեկատվական անվտանգության փորձագետ Սամվել Մարտիրոսյանը Facebook-ի իր էջում նախազգուշացնող ուղերձ է տարածել։«Զանգահարում են իբրև բանկից և ձեզանից տարբեր պատրվակներով բանկային քարտի տվյալներ հարցնում։ Ոչ մի դեպքում զանգով բանկային քարտի տվյալներ չեք ասում»,- զգուշացնում է Մարտիրոսյանը։
Հաշվի առնելով, որ հնարավոր է նաև՝ իսկապես բանկից զանգեն տվյալներ ճշտելու համար, Մարտիրոսյանը լրացուցիչ ապահովության տարբերակ է առաջարկում` ընդհատել հեռախոսազանգը, անձամբ զանգել բանկ և ճշտել` արդյոք որևէ խնդիր կա՞, զանգն իսկապե՞ս բանկից է կատարվել, թե ոչ։ Այս տարբերակով խաբեբաները չեն կարողանա հաջողության հասնել, գողանալ քաղաքացիների բանկային քարտի տվյալներն ու դրա հետևանքով նաև գումարները։
