Մայիսի 22-ից ուժի մեջ է մտել Ռոսպոտրեբնադզորը ժամանակավոր սանիտարական միջոցառումը՝ կասեցնելով «Ջերմուկ Գրուպ» ՓԲԸ-ի կողմից արտադրված «Ջերմուկ բնական բուժիչ սեղանի գազավորված խմելու ջրի» ներմուծումը և բաշխումը Ռուսաստանի Դաշնությունում։
«Ապրանքը չի համապատասխանում պիտակի վրա տրամադրված տեղեկատվությանը, ինչը խախտում է «Փաթեթավորված խմելու ջրի, այդ թվում՝ բնական հանքային ջրի անվտանգության մասին» ԵԱՏՄ տեխնիկական կանոնակարգի (TR) 044/2017 3-րդ բաժնի 10-րդ կետի պահանջները: Ջրում հայտնաբերվել են բիկարբոնատի (իոն), քլորիդների և սուլֆատների չափազանց մեծ քանակություն: Ապրանքի թերապևտիկ հատկությունների սխալ ներկայացումը կարող է հանգեցնել անարդյունավետ բուժման և առողջության վաթարացման:
Ռոսպոտրեբնադզորը համապատասխան ծանուցումներ է ուղարկել Եվրասիական տնտեսական հանձնաժողովին և Եվրասիական տնտեսական միության անդամ պետությունների լիազոր մարմիններին։ Տեղեկացվել են նաև Մանրածախ առևտրի ընկերությունների ասոցիացիան (ԱԿՈՐՏ) և Ինտերնետ առևտրի ընկերությունների ասոցիացիան (ԱԿԻՏ)։
Ռոսպոտրեբնադզորը շարունակում է հետևել Ջերմուկ հանքային ջրի հետ կապված իրավիճակին»,-ասված է տարածած հայտարարության մեջ։
«Ռոսպոտրեբնադզորը բացահայտել է Հայաստանի Հանրապետությունում արտադրվող ցածրորակ ալկոհոլային խմիչքներ, որոնց վաճառքը Ռուսաստանի Դաշնությունում կասեցվել է»։ Այսօր վաղ առավոտյան նման հայտարարություն է տարածել է Ռոսպոտրեբնադզորի պաշտոնական կայքը։
«Միջոցառումների արդյունքում հայտնաբերվել են պարտադիր պահանջներին չհամապատասխանող ապրանքներ, որոնք արտադրվել են «ՎԵԴԻ-ԱԼԿՈ» ՓԲԸ-ի, «ԱԲՈՎՅԱՆԻ ԿՈՆՅԱԿԻ ԳՈՐԾԱՐԱՆ» ՍՊԸ-ի և «Շահնազարյան գինու և կոնյակի տուն» ՍՊԸ-ի (ՀՀ) կողմից. «Սովորական սորտային կարմիր կիսաքաղցր գինի «ԳԵՏԱՓ ՎԵՐՆԱՇԵՆ» (11% սպիրտ, 0.75 լ, շշալցման ամսաթիվը՝ 03.02.2025) և «Սովորական սորտային սպիտակ չոր գինի «ՎԵԴԻ ԱԼԿՈ» ԽԱՐՋԻ, T3 «ԱՐՆԻԻ ԼԵԳԵՆԴՆԵՐ» (12% սպիրտ, 0.75 լ, շշալցման ամսաթիվը՝ 17.12.2024), որոնք արտադրվել են «ՎԵԴԻ-ԱԼԿՈ» ՓԲԸ-ի կողմից»,-ասված է ռուսական կողմի պաշտոնական հայտարարության մեջ։
Ցածրորակ ապրանքների ցանկում է նաև «Սովորական հինգ տարեկան կոնյակ «Armenian cogniac 5 star» (40% սպիրտ, 0.5 լ, շշալցման ամսաթիվ՝ 20.01.2025), որը արտադրվել է «ԱԲՈՎՅԱՆԻ ԿՈՆՅԱԿԻ ԳՈՐԾԱՐԱՆ» ՍՊԸ-ի կողմից (ՀՀ, Աբովյան): Բացի այդ, անհամապատասխանություն է հայտնաբերվել «Շահնազարյան գինու և կոնյակի տուն» ՍՊԸ-ի (ՀՀ, Եղվարդ) կողմից արտադրված «ԿՎ» յոթամյա «ՇԱՀՆԱԶԱՐՅԱՆ XO» (40% սպիրտ, 0.5 լ, շշալցման ամսաթիվ՝ 16.05.2025) հայկական կոնյակում։
«Պարտադիր պահանջներին չհամապատասխանող ապրանքների վաճառքը կանխելու համար մանրածախ առևտրականներին և ներմուծողներին տեղեկացվել է վաճառքի կասեցման և ոչ ստանդարտ ալկոհոլային խմիչքների շրջանառությունից դուրսբերման մասին։
Իրավիճակը գտնվում է Ռոսպոտրեբնադզորի խիստ վերահսկողության ներքո»,- նշում է Роспотребнадзор-ը։
