Ռուսաստանի նախագահ Վլադիմիր Պուտինը ժամանել է Նիժնի Նովգորոդի մարզում գտնվող «Մուլինո» զորավարժադաշտ՝ հետևելու ռուս-բելառուսական «Արևմուտք-2021» ռազմավարական զորավարժությունների հիմնական փուլին:
Զորավարժություններին ներգրավված են նաև Հայաստանի, Ղազախստանի, Ղրղզստանի, Մոնղոլիայի և Հնդկաստանի զինվորականները: Զորավարժությունների ընթացքում, ի թիվս այլ բաների, նրանք մշակում են պայմանական հակառակորդի հարձակումը հետ մղելու և պատասխան կրակային հարված հասցնելու ռազմական սցենարներ:
Հիմնական փուլի շրջանակներում նախատեսվում է մշակել տարբեր երկրների զորամասերի փոխազդեցությունը: Զորավարժությունների մյուս մասնակիցներին Ռուսաստանը տրամադրել է ռազմական տեխնիկա և զենք գործնական առաջադրանքների կատարման համար:
Զորավարժություններին հետևում են նաև այլ 45 երկրների ավելի քան 120 ռազմական ներկայացուցիչներ:
