Նիկոլ Փաշինյանի ղեկավարած Կառավարությունը բանակի արդիականացման և բանակը վերազինելու համար որոշել է վաճառել կամ օտարել Պաշտպանության նախարարությանն ամրակցված 71 անուն անշարժ գույքը։
Ըստ ընդունված որոշման՝ ՀՀ պաշտպանության նախարարության հաշվեկշռում հաշվառված և նախարարության կողմից փաստացի տնօրինվող այդ անշարժ գույքերն օտարվելու են նախարարության կարիքների բավարարման, հիմնականում՝ ժամանակակից սպառազինության գնման և նախարարության նյութատեխնիկական մեծ կորուստները լրացնելու նպատակով։
Որոշում է կայացվել գույքերն օտարել, որովհետև, ըստ որոշման, տարիներ շարունակ նշված գույքերի պահպանման համար նախարարության կողմից իրականացվել և իրականացվում են ծախսեր՝ պահակի վարձատրություն, էլեկտրաէներգիա և այլ, որոնք արդարացված չեն նախարարության բյուջեի տեսակետից։
