Հայաստանի Հանրապետությունը Եվրոպական միությանն անդամակցության հայտ չի ներկայացրել, այդ ուղղությամբ բանակցություններ չեն վարվում»,-ՌԴ արտգործնախարար Սերգեյ Լավրովի հետ համատեղ մամուլի ասուլիսի ժամանակ հայտարարեց Արարատ Միրզոյանը՝ պատասխանելով ռուս լրագրողի այն հարցին, թե ինչպե՞ս է Հայաստանը պատրաստվում ԵՄ-ին անդամակցությունը համադրել ԵԱՏՄ-ին անդամակցելու հետ։
Ըստ Միրզոյանի՝ հարցը, որը կարող էր ծագել այդպիսի զարգացումների պարագայում, տեղին չէ, և ինքը չի կարող այդ սցենարի վերաբերյալ դատողություններ անել։
«Արդյոք մենք պատրաստվում ենք վերաֆորմատավորել մեր դաշնակցային հարաբերությունները Ռուսաստանի Դաշնության հետ. ուզում եմ շատ ուղիղ պատախանել՝ ո՛չ։
Մեր պարտավորությունները և իրավունքները, մեր մտադրությունները միմյանց նկատմամբ հստակ գրված են թղթի վրա, ստորագրված և վավերացված են, և դրանք որևէ մեկը չի լուծարել։ Միևնույն ժամանակ հայտնի են հայաստանյան կողմի մտահոգություններն այն մասին, որ նախատեսված մեխանիզմները ոչ միշտ և ոչ սահմանված կարգով են աշխատել, բայց սա բոլորովին այլ հարց է։ Կարող ենք քննարկել այդ մեխանիզմերի արդյունավետ գործարկման հարցը, բայց հարաբերությունները վերաֆորմատավորելու մասին հարց մեր օրակարգում չկա»,-ասաց Միրզոյանը։
