Ազգային ժողովն այսօր՝ դեկտեմբերի 7-ին շարունակում է իր հերթական քառօրյա նիստերը, որի օրակարգում ընդգրկված է 36 հարց:
Սա այս նստաշրջանի վերջին հերթական նիստն է: ԱԺ շուրջ 3 տասնյակ օրակարգային հարցերի թվում էր պետական բյուջեի նախագծի քննարկման շարունակությունը, որին մասնակցել եւ ելույթ է ունեցել Նիկոլ Փաշինյանը։Օրակարգում է 5 ընտրություն՝ Հաշվեքննիչ պալատի անդամի, Կոռուպցիայի կանխարգելման, Մրցակցության պաշտպանության, Հեռուստատեսության եւ ռադիոյի հանձնաժողովի անդամների թափուր տեղերի, ինչպես նաեւ Վճռաբեկ դատարանի հակակոռուպցիոն պալատի կոռուպցիոն հանցագործություններ քննող դատավորի թափուր տեղի համար: «Պատիվ ունեմ» եւ «Հայաստան» խմբակցությունները Մրցակցության պաշտպանության հանձնաժողովի անդամի թեկնածու են առաջադրել Մանվել Բադալյանին` Քաղծառայության խորհրդի նախկին նախագահին:
