Ես երկրորդ ուրիշ մարդ չգիտեմ, որ 111 առաջ տեղի ունեցած Հայոց ցեղասպանությունը, 2023թ.–ի Արցախի էթնիկ զտումը եւ դրանից հետո միջանցքի հարցը իրար հետ կապում են, բացի ինձանից չգիտեմ որևէ այլ մեկին, ով որ այս երեք հարցերը իրար պատճառահետևանքային կապով կապում է։ Այս մասին իր յութուբյան էջում հրապարակված տեսանյութում ասել է ԼՀԿ առաջնորդ Էդմոն Մարուքյանը:
Նա, մասնավորապես, նշել է. «Հետաքրքիր բան է տեղի ունեցել, երեկ Նյու Յորքի քաղաքապետը հայտարարությամբ է հանդես եկել, որ 111 տարի առաջ հայերին ցեղասպանության են ենթարկել և Թուրքիան չի ընդունում, պետք է ընդունի և որից հետո ասում է՝ 20 թվականին Ադրբեջանի ռազմական ուժերը Թուրքիայի ռազմական ուժերի հետ միասին հարձակվել են Լեռնային Ղարաբաղի բնակչության վրա, էթնիկ զտման ենթարկել շուրջ 100000 մարդու, որը 100 տարի առաջվա ցեղասպանական քաղաքականության շարունակությունն է և ասում է՝ այս օրը որ մենք հիշում ենք Հայոց ցեղասպանության զոհերին, նաև պետք է հիշենք նրանց ինքնորոշման իրավունքը, նրանց անվտանգության, այսինքն Արցախի հիմնախնդրի մասին է խոսում Նյու Յորքի քաղաքապետը։
Այսօր Ադրբեջանի արտաքին գործերի նախարարությունը դատապարտել է Նյու Յորքի քաղաքապետին և ասել է, որ Լեռնային Ղարաբաղի խնդիրը չի կարելի կապել Հայոց ցեղասպանության խնդրի հետ, և քննադատել է, որ մենք հակաահաբեկչական միջոցառումներ ենք իրականացրել։
Ես անդադար լոբբինգ եմ արել, որ Ցեղասպանությունը, Լեռնային Ղարաբաղի խնդիրը և միջանցքը իրար հետ կապված են։ Հայաստանում չկա այլ քաղաքական ուժ, որ այս երեքը կապում է իրար եւ միջազգային հանրությանը բացատրի։ Դա միայն ես եմ արել, մենք ենք արել, և դրա համար հունիսի յոթին գնացեք ընտրական տեղամասեր և ձեր ձայնը տվեք «Լուսավոր Հայաստան» կուսակցությանը, որ պառլամենտում Հայաստանի շահերը պաշտպանված լինեն, որ միջազգային հարթակներում Հայաստանի շահերը պաշտպանված լինեն»։
