ՀՀ Գլխավոր դատախազը Հ1 եթերում հայտարարում է, որ յոթ տարվա ընթացքում մոտ 450 մլն ԱՄՆ դոլարի չափով գործեր են քննել և իբր դրանց մի մասը մուտքագրվել է պետական բյուջե։
Յոթ տարվա ընթացքում՝ 450 մլն ԱՄՆ դոլարի չափով ։
Հիացմունքի չափաբաժինը հաղորդում վարող Պետրոսի մոտ ահռելի էր, համարյա քրտնել էր՝ նման քարոզչական միֆ լսելով։
Շա՞տ է արդյոք, թե քիչ այդ գումարը, փորձենք համեմատել նույն յոթ տարիների համար «տուգանքի մատերիալ» բնակչությունից քերված իրավախախտումների տուգանքների ծավալի հետ։
Հաշվարկի հիմք վերցնենք 2025 թվականի առաջին եռամսյակում իրավախախտումների մասով պետբյուջե հավաքագրված տուգանք մուտքերի ծավալը։ Այն կազմել է մոտ 6 497 000 000 դրամ, որն էլ փոխարժեքի հաշվարկով կկազմի 16.5 մլն դոլար։
Եթե 2025 թվականի առաջին եռամսյակի տվյալները մոտարկված կերպով տարածենք քպ իշխանության յոթ տարիների վրա, կստացվի հանրագումարային 462 մլն ԱՄՆ դոլար։
Ի՞նչ է ստացվում, հարգելի քաղաքացիներ:
Նախկինների դեմ իբր պայքարող իշխանությունը ձեզանից քերել է համարյա նույն գումարը, ընդ որում՝ արագ և կանխիկ։
Ներկայացված թվային տվյալներին չհավատացող անձանց համար կից բեռնում եմ այս գերհետաքրքիր աղյուսակը։
Քպ խաբեբա, իրական թալանչի իշխանությունը պետք է հեռանա։
Հրայր Կամենդատյան, տնտեսագետ, «Հայաքվե» ազգային միավորման վարչության անդամ
