Մեր զինված ուժերը վրեժ կլուծեն ռազմական գործողությունների ընթացքում զոհված յուրաքանչյուր իրանցու համար, հայտարարել է Իրանի ԱԳ նախարար Աբբաս Արաղչին։
Նախարարը նման հայտարարություն է արել՝ հարձակման զոհ դարձած ընտանիքի ողբերգական պատմությունը հիշեցնելով։ Իրանի արտաքին գործերի նախարարը շեշտել է՝ իրանցիների սերունդների միջև անխզելի կապը և ազգի դիմադրողականությունը սպառնալիքների առջև։
Նախարարը պաշտոնապես հայտարարել է, որ Իրանի «քաջարի և հզոր զինված ուժերը» վրեժ կլուծեն սպանված յուրաքանչյուր երեխայի, մոր կամ հոր համար։
Նրանք կարծում էին, թե երկու-երեք օրվա ընթացքում կկարողանան հասնել ռեժիմի փոփոխության և տանել արագ ու «մաքուր» հաղթանակ, սակայն ձախողվեցին, ասել է Իրանի ԱԳ նախարար Աբբաս Արաղչին:
«Ես կարծում եմ, որ «Պլան Ա»-ն ձախողված է։ Հիմա նրանք փորձում են այլ ծրագրեր իրագործել, բայց դրանք բոլորնը նույնպես ձախողվել են։ Չեմ կարծում, թե նրանք որևէ իրատեսական վերջնարդյունք ունեն մտքներում։ Նրանք պարզապես սկսել են կուրորեն հարձակվել մեզ վրա»,- նշել է նախարարը։
Ամերիկյան PBS News-ին տված հարցազրույցում Իրանի արտգործնախարարը հայտարարել է, որ ԱՄՆ-ի հետ բանակցություններն այլևս օրակարգում չեն։
Ըստ Արաղչիի՝ ԱՄՆ-ն և Իսրայելը ձախողել են պատերազմի առաջին օրերին Իրանում վարչակարգը փոխելու փորձը և այժմ գործում են «առանց նպատակի»։
