Շիրակի թեմի առաջնորդ Միքայել արքեպիսկոպոս Աջապահյանի գործով երկրորդ դատական նիստին սրբազանի պաշտպան Երեմ Սարգսյանը միջնորդություն ներկայացրեց, որով բացարկ հայտնեց նիստը նախագահող դատավոր Արմինե Մելիքսեթյանին։
Ըստ փաստաբանի՝ դատական նիստի ընթացում ականատես ենք լինում Հայ առաքելական եկեղեցու արքեսպիկոպոսի նկատմամբ խիստ բացասական վերաբերմունքի։
Փաստաբանըմիաժամանակ հարց ուղղեց՝ արդյոք դատավորը Հայ առաքելական եկեղեցու հետևորդ է։ Դատավոր Արմինե Մելիքսեթյանն ի պատասխան նկատեց, որ այդ հարցերին պատասխանելու պարտավորություն չունի։
Հիշեցնենք, որ առաջին դատական նիստի ընթացքում Միքայել արքեպիսկոպոս Աջապահյանի պաշտպաններ Երեմ Սարգսյանը և Արա Զոհրաբյանը կալանքը վերացնելու մասին միջնորդություն ներկայացրեցին, սակայն դատավոր Արմինե Մելիքսեթյանը մերժեց միջնորդությունը։ Դատարանը 10 օրով երկարաձգեց Միքայել արքեպիսկոպոս Աջապահյանի կալանքի ժամկետը։
Ըստ մեղադրական եզրակացության, Միքայել արքեպիսկոպոս Աջապահյանին մեղադրանք է առաջադրվել այն բանի համար, որ նա զանգվածային լրատվության միջոցների ներկայացուցիչներին տրված հարցազրույցների ընթացքում հնչեցրել է իշխանությունը զավթելուն ուղղված հրապարակային կոչեր։
