Մենք առաջնագիծ չունենք, ունենք սահման. ռուսական հենակետերը դուրս կբերվեն Տավուշից
Ռուսական հենակետերը դուրս կբերվեն Տավուշի մարզից. հայտարարել է Փաշինյանը։
Ստեփանավանում լրագրողների հետ զրույցի ժամանակ նա վստահություն է հայտնել, որ Տավուշի մարզում սահմանազատման գործընթացն ավարտելուց հետո Հայաստանի և Ադրբեջանի սահմանապահները կկարողանան միմյանց հետո փոխգործակցել։
«Ռուսական հենակետերն այդտեղ հայտնվել են մեկ իրադրությունից ելնելով։ Այն, ինչ տեղի է ունենում հիմա, իրադրության էական փոփոխություն է։ Նշանակում է, որ մենք առաջնագիծ չունենք, ունենք սահման, իսկ սահմանը խաղաղության նշան է։ Դա կնշանակի, որ Հայաստանի և Ադրբեջանի սահմանապահներն իրար հետ փոխգործակցելու են ու ինքնուրույն ի վիճակի են լինելու սահմանի պահպանություն իրականացնել»,– նշեց Փաշինյանը։
