ՀՀ վարչապետ Նիկոլ Փաշինյանն այսօր տեղի ունեցած ճեպազրույցի ժամանակ հայտարարեց՝ եթե հրավեր ստանա ՌԴ նախագահ Պուտինից, չի հրաժարվի մեկնել Մոսկվա։
Հարցին՝ ինչու մինչ այս պահը Վլադիմիր Պուտինը չի շնորհավորել իրեն, Փաշինյանը նախ հաստատեց՝ իսկապես շնորհավորանք չի եղել՝ միաժամանակ հավելելով.
«Հուսանք՝ կշնորհավորի»։
Անդրադառնալով մոտ ապագայում հանդիպման հավանականությանը՝ Փաշինյանը նշեց՝ որ հանդիպման վերաբերյալ եղել է փոխըմբռնում, սակայն բուն հրավեր առայժմ չկա։
«Կգնամ, եթե լինի։ Հաստատ չեմ հրաժարվի»,- ասաց նա։
