Գագիկ Ծառուկյանին որ գործարք առաջարկեինք, ծնկաչոք այդ գործարքին ընդառաջ կգար։ Հայաստանում իրեն գործարք առաջարկող չի եղել, դրա համար էլ որբի նման ընկել է աշխարհեաշխար գործարք է փնտրել-գտել, հետո պարզվել է, որ ընդամենն իրեն հավաքագրել են՝ ինքը դրանից տեղյակ էլ չի։ Այսօր տեղի ունեցած ճեպազրույցների ժամանակ այս մասին ասաց Նիկոլ Փաշինյանը՝ լուրերին որ ինքը Գագիկ Ծառուկյանին գործարք է առաջարկել։
«Գագիկ Ծառուկյանը կխնդրի, ստոյկա կտա, որ ես իրեն գործարք առաջարկեմ»,-հայտարարեց Փաշինյանը։
Անդրադառնալով ընտրախախտումներին՝ Նիկոլ Փաշինյանն ասաց.
«Ես գիտեմ մի բան. ՔՊ-ն ստացել է 100 տոկոսով օրգանիկ քվե, էն մյուս ուժերը ստացելեն 100 տոկոսով ընտրակաշառքով քվե։ Կարող է իրենց տնեցիներին փող չեն տվել՝ չնայած էդ էլ եմ կասկածում»,-հայտարարեց նա։
Փաշինյանը շեշտեց՝ նույնիսկ ընտրություններից առաջ մեծ բաժնեմասեր են փոխանցվել խոշոր ընդդիմադիր ուժերի առաջնորդների ընտանիքի զավակներին՝ մտավախություն ունենալով՝ կքվեարկեն, թե չեն քվեարկի։
«Առանց փողի նրանց օգտին ոչ մեկը չի քվեարկել՝ բացարձակապես ոչ մեկը։ Խախտումներ, այո՛, եղել են, որովհետև այդ երեք ուժը խորհրդարան չպետք է մտնեին։ Անկեղծ ասած՝ եթե չվերցնեն մանդատները, գոնե 100 տոկոս լեգիտիմ խորհրդարան կունենանք, թե չէ ստիպված ենք լինելու խորհրդարանի ամբիոններին տեսնել փողի կալոդներ փռած, որոնք որևէ այլ քաղաքական արժեքներ չունեն»,-նշեց Փաշինյանը։։
Լրագրողի դիտարկմանը, որ վերջին հայտարարությամբ վիրավորում է ընդդիմադիր մեծ ընտրազանգվածին՝ Փաշինյանն ասաց. «Իրենք կարող են արձագանքել»։
Վերջում նա կրկին սպառնաց՝ կաշառք տված և վերցրած յուրքանչյուր անձ մինչև հաջորդ ընտրությունները պետք է բանտում լինի, հակառակ դեպքում դատաիրավական համակարգը գործում է պետությանը դեմ։
