Հայոց ցեղասպանության զոհերի հիշատակի օրը մենք հարգում ենք 110 տարի առաջ սարսափելի ցեղասպանության ժամանակ սպանված 1.5 մլն հայերի հիշատակը: Այս մասին իր թվիթերյան էջում գրում է ԱՄՆ Ներկայացուցիչների պալատի անդամ, նախկին խոսնակ Նենսի Փելոսին:
Նա նշել է, որ 2022-ին Հայաստան այցի ընթացքում մեծ պատիվ է ունեցել այցելել Ծիծեռնակաբերդի հուշահամալիր՝ հարգանքի տուրք մատուցելու այս ոճրագործության զոհերի հիշատակին։Փելոսին կարևորել է պատմության այս մութ էջի վրա լույս սփռելը շարունակելը։
«2019 թվականին Դեմոկրատական պալատը պաշտոնապես ճանաչեց Հայոց ցեղասպանությունը, դա ճշմարտության՝ պատմական և վաղուց ուշացած ճանաչում էր և մարդու իրավունքների նկատմամբ տևական հանձնառություն»,- գրում է Փելոսին:
