Հարգելի՛ գործընկերներ, 

Սիրով հրավիրում ենք ձեզ մասնակցելու «Santé Arménie» առողջապահական միության «SOS Villages de Syunik» ծրագրի շրջանակներում գործող ընտանեկան բժշկության շարժական թիմի  գործունեության ներկայացման միջոցառմանը, որը տեղի կունենա ապրիլի 21-ին` ժամը 18։30-ին, Գորիսի «Միրհավ» հյուրանոցի դահլիճում (հասցե` Մաշտոցի 100)։

Խնդրում ենք հաստատել ձեր ներկայությունը մինչև ապրիլի 19-ը՝ ժամը 18:00-ն՝ զանգահարելով 060 72 22 20։ 

Հաջորդ օրը տեղի կունենա շարժական բժշկական կայանի այցելությունը դեպի Սյունիքի մարզի գյուղեր: 

«Santé Arménie»-ն պատրաստ է հոգալ լրագրողների փոխադրումը և գիշերակացը Գորիսում:  

***

«SOS Սյունիքի գյուղեր»-ը ամբուլատոր շարժական բժշկական կայանի գործարկման ծրագիր է, որտեղ ներգրավված են բժիշկներ և հոգեբաններ, որոնք աշխատելու են տարբեր համայնքային բուժկետերում աշխատող բժիշկների հետ հանատեղ:  

Էլեկտրասրտագրիչով, ուլտրաձայնային սկաներով, դեղամիջոցներով և կենսաբանական անալիզի սարքավորումներով հագեցած այս շարժական բժշկական կայանը խորհրդատվություն է անցկացնելու Սյունիքի հեռավոր գյուղերում գտնվող բնակչության շրջանակում, քանի որ այս սարքավորումների հասանելիությունը ընդհանուր բժշկությանը խիստ սահմանափակ է, հատկապես 2020 թ. Արցախյան 44-օրյա պատերազմից հետո։ Այս ծրագիրը մեկնարկել  է 2021 թ. հոկտեմբերի 1-ին՝ բժիշկների վերապատրաստմամբ։ Զուգահեռաբար ուսումնասիրվել են Սյունիքի բնակչության կարիքները. անվճար ընդհանուր խորհրդատվություն է առաջարկվել Խնածախի, Բարձրավանի, Շուռնուխի, Որոտանի, Վերիշենի, Խոզնավարի, Վաղատուրի և Կոռնիձորի բնակիչներին։ 

Շարժական կայանի բժշկական թիմի կանոնավոր մոնիտորինգը կատարվում է Santé Arménie-ի ընդհանուր բժշկության խմբի կողմից՝ վեբինարների և մասնագիտական խորհրդատվական հանդիպումների միջոցով՝ դրա արդյունավետությունը օպտիմալացնելու համար:
Առաջիկայում այս ծրագիրը կներդրվի նաև Հայաստանի մյուս մարզերում և Արցախում։

ՀԲԸՄ Ֆրանսիայի գրասենյակը հանդիսանում է Santé Arménie նախաձեռնության հիմնադիր անդամ։ 

Հարգանքով՝ ՀԲԸՄ Հայաստան