Հարավային Կովկասում տեղի ունեցած տարբեր զարգացումների հետ կապված՝ պահանջվում է մեր մշտական ուշադրությունը. Շոյգուն՝ Արմեն Գրիգորյանին
Կովկասում ստեղծված իրավիճակը պահանջում է մշտական ուշադրություն, ինչպես հաղորդում է ՏԱՍՍ-ը, ասել է Ռուսաստանի Անվտանգության խորհրդի քարտուղար Սերգեյ Շոյգուն։
«Վերջին իրադարձությունների, տարածաշրջանում՝ Կովկասում ընդհանուր առմամբ և Հարավային Կովկասում տեղի ունեցած տարբեր զարգացումների հետ կապված՝ ամեն ինչ պահանջում է մեր մշտական ուշադրությունը և խորհրդակցությունները», – ասել է Շոյգուն Հայաստանի Անվտանգության խորհրդի քարտուղար Արմեն Գրիգորյանի հետ հանդիպման ժամանակ։
Գրիգորյանը վստահեցրել է, որ «պատրաստ է մանրամասներով կիսվել» տարածաշրջանում ստեղծված իրավիճակի վերաբերյալ։
Նշենք, որ այսօր Մոսկվայում տեղի է ունենում ԱՊՀ Անվտանգության խորհրդի քարտուղարների նիստը։ Նիստի շրջանակում Շոյգուն մի քանի առանձին երկկողմ հանդիպումներ կունենա, այդ թվում՝ իր Ադրբեջանի գործընկերոջ հետ։
