«Տեղը սահմանամերձ գոտի է, այդ ժողովուրդը շատ բան է տեսնում, շատ բան է քննարկում, վիճաբանություն էլ կլինի, քննարկում էլ կլինի, տարաբնույթ ընկալումներ կան տարաբնույթ հարցերի շուրջ։ Ընդհանրապես սահմանը պաշտպանում է սահմանապահ զորքը կամ մեր ԶՈՒ-ն, գյուղացին սահման չի պաշտպանում, բայց սահմանապահ գյուղում քաղաքացիական հասարակությունն ամբողջությամբ պետք է պատրաստ լինի ցանկացած իրավիճակի»,- անդրադառնալով երեկ, Տեղ գյուղի ավագանու անդամին ծեծի ենթարկելու դեպքին՝ ասել է քպ-ական սյունեցի պատգամավոր Արմեն Խաչատրյանը։
Նա չի մեկնաբանել ծեծի պատճառները։ Սակայն հայտնի է, որ միջադեպի պատճառով 23-ամյա երիտասարդին տեղափոխել են հիվանդանոց։
«Ի՞նչ գործընթացներ կընթանան, չեմ կարող ասել, բայց մի բան հստակ կարող եմ ասել՝ քննությունը դատախազությունում ու Քննչական մարմիններում չի ընդհատվելու, մինչև վերջ գնալու է, արարքը որակվելու է ու հանացագործը դատի է տրվելու։ Այս պահին բացառում եմ, որ նրան կվերադարձնեն Ադրբեջան, տեղի է ունեցել մարդասպանություն, դա պետք է պարզվի ու գնահատական տրվի»,-ասել է Արմեն Խաչատրյանը ՀՀ տարածք ապօրինաբար ներթափանցած ադրբեջանցի մարդասպան զինվորի մասին։
