Հայ ժողովուրդը բնիկ է ամբողջ Հայկական լեռնաշխարհում: Դա ապացուցել են գիտնականներ Գամկրելիձեն, Իվանովը և բազմաթիվ ուրիշ գիտնականներ: Հայկական լեռնաշխարհը տարածվում է Եփրատից մինչև Կուր-Արաքսյան միախառնումով պատկերվող եռանկյունաձև ամբողջ տարածքը:
Երբ դեռևս Արարատյան թագավորության (Ուրարտուի) ժամանակաշրջանում հզոր հայոց թագավորները նվաճում ու յուրացնում էին այդ տարածքները և դրանցից էլ արևելք՝ ընդհուպ մինչև Բաքու (հայոց հնագույն Բակուրակերտ քաղաքը) և Կասպից ծովն ընկած տարածքները, ո՞ւր էիք դուք՝ քոչվոր աղկոյունլու և կարակոյունլու ցեղախմբերի հետնորդներդ, որ շատ ավելի ուշ՝ 12-13-րդ դարերից ներթափանցեցիք Պարսկաստան, այնտեղից էլ՝ Հայկական լեռնաշխարհ, ապա Բյուզանդական կայսրության անհեռատես քաղաքականության հետևանքով տարածվեցիք մինչև Անատոլիական բարձրավանդակում՝ հասնելով մինչև Միջերկրական ծով և Դարդանելի ու Բոսֆորի նեղուցներ:
Թե՞ 1918 թվականին Օսմանյան կայսրության և Աթաթուրքի խորամանկությամբ Ադրբեջան հորջորջված պետությունո՞վ եք հպարտանում, գուցե Ստալինի դրած ադրբեջանցիներ անվանումո՞վ: Սա՞ է ձեր պատմությունը: Եթե սա է, ուրեմն մեր գյուղերում ու լեռների լանջերին պատսպարված ամենափոքր մատուռն անգամ ձեզնից ավելի հին պատմություն ունի:
