Եվրոպական հանձնաժողովի նախագահ Ուրսուլա Ֆոն դեր Լայենն իր X-ի էջում, երեկ անդրադառնալով այցին Հայաստանի Հանրապետություն, գրառմանը կցել էր Արարատ լեռան վեհաշուք լուսանկարը՝ հայաստանյան կողմից։
Արարատի լուսանկարին կից նա գրել էր. «Վայրէջք Երևանում, որտեղ կհավաքվի Եվրոպական քաղաքական համայնքը՝ անդրադառնալու մայրցամաքային մասշտաբի մարտահրավերներին։ Անվտանգությունից մինչև էներգետիկա և կապակցվածություն։ Մենք նաև կնշենք կարևոր մի հանգրվան՝ առաջին անգամ անցկացվող Հայաստան-ԵՄ գագաթնաժողովը»։
Եվրամիության խորհրդի նախագահ Անտոնիո Կոստան ևս սոցցանցի իր էջում տեղադրել է Արարատի նկարը՝ Երևանի պատկերով։
Կանադայի ԱԳ նախարար Անիտա Անանդն, Հունաստանի նախագահ Կոնստանտինոս Տասուլասն, Ֆրանսիայի նախագահ Էմանուել Մակրոնն այցելել են Հայոց ցեղասպանության հուշահամալիր։
Նրանք հակառակվո՞ւմ են Փաշինյանի՝ Հայոց ցեղասպանությունը կասկածի տակ դնելու և այդ փաստը արտաքին քաղաքականություն վարելու գործընթացից ջնջելու քաղաքականությանը։
27.01.2025թ. Նիկոլ Փաշինյանը Հ1-ի եթերից ասաց.
«Եթե բանակը բարեփոխենք Արարատի և պատմական Հայաստանի խոսույթի ներքո, մեզ ոչ ոք զենք չի վաճառի, մեզ հետ ռազմական համագործակցություն չեն հաստատի:
Բացի այդ, ըստ Փաշինյանի՝ Արարատով ու պատմական Հայաստանով մենք մեզ թիրախ ենք դարձնում։
