Փաշազադեի լեզվի տակ փուշ չկա, որ սուտ խոսելիս ծակի
Ամենայն Հայոց Կաթողիկոս Գարեգին Բ-ն Ադրբեջանի վերաբերյալ կեղծ և զրպարտչական տեղեկատվություն է ուղարկել Եկեղեցիների համաշխարհային խորհրդին և քրիստոնյա կրոնական առաջնորդներին. հայտարարել է Կովկասի մահմեդականների գրասենյակի (CMU) նախագահ շեյխ ուլ-իսլամ Ալլահշուքյուր Փաշազադեն, որն աշխատանքային այցով գտնվում է Եգիպտոսում՝ Ղպտի եկեղեցու առաջնորդի տեղակալի հետ հանդիպմանը։
Ալլահշուքյուր Փաշազադեն ասել է. «44-օրյա պատերազմից և վերջին հակաահաբեկչական գործողությունից հետո հայկական սփյուռքի և հայկական եկեղեցու կողմից հակաադրբեջանական քարոզչության աճ է գրանցվել, այդ թվում՝ հայոց կաթողիկոս Գարեգին Երկրորդի, որը կեղծ և զրպարտիչ տեղեկություններ է ուղարկել Եկեղեցիների համաշխարհային խորհրդին և ընդհանրապես քրիստոնյա կրոնական առաջնորդներին»։
Նա հայտարարել է, թե իբր հայկական ագրեսիան սարսափելի հետեւանքների է բերել։ Մահմեդական առաջնորդը զրպարտել է հայ ժողովրդին, ասել է, թե իբր 30 տարի հայկական օկուպացիայի տակ գտնվող տարածքներում հայերը վանդալիզմեն իրականացրել,, մզկիթներ են ավերել ու պղծել։
Շեյխուլ-Իսլամ Փաշազադեն հատկապես ընդգծել է, որ, ինչպես հաստատել են միջազգային դիտորդները, Ղարաբաղի շրջանի հայ բնակչությունը կամավոր լքել է տարածքը։
Իհարկե, Փաշազադեի լեզվի տակ փուշ չկա, որ սուտ խոսելիս ծակի ու թույլ չտա կեղծիքը շարունակել։
