Բաքուն ուշի-ուշով հետևում է Փաշինյանի հայտարարություններին
Ադրբեջանական զլմները և հատկապես Report-ը Նիկոլ Փաշինյանին անդրադառնալիս մշտապես օգտագործում է ամենաանհաջող, նրան խեղճ ու անզոր ցույց տվող լուսանկարներ։ Այս հոդվածում՝ նույնպես։ Այսպես է նրան վերաբերվում «կիրթ ու կառուցողական» Ալիևը։
Հայաստանի վարչապետ Նիկոլ Փաշինյանն ասել է, որ ԵՄ-ի միջնորդությամբ մշակվել է ճանապարհային քարտեզ Բաքվի և Երևանի միջև հարաբերությունների կարգավորման համար. հետևելով Փաշինյանի քաղաքական հայտարարություններին՝ հաղորդում են ադրբեջանական զլմները։
Հայաստանի ղեկավարն այդպիսի հայտարարություն է արել Լիտվայի վարչապետ Ինգրիդա Շիմոնիտեի հետ համատեղ ճեպազրույցի ժամանակ։
«Ցանկանում եմ ընդգծել, որ Բրյուսելում իմ և Ադրբեջանի նախագահի հանդիպումների ընթացքում Եվրոպական խորհրդի ղեկավար Շառլ Միշելի միջնորդությամբ, ըստ էության, մշակվել է Ադրբեջանի և Հայաստանի միջև հարաբերությունների կարգավորման ճանապարհային քարտեզ, որն արտացոլված է նաև Գրանադայում ստորագրված քառակողմ հայտարարության մեջ»,- ասել է Փաշինյանը։
Հայաստանի կառավարության ղեկավարը կարծում է, որ «կողմերի հավատարմությունը՝ այս ճանապարհային քարտեզին, կարագացնի խաղաղության գործընթացը»։
