Վարչապետ Փաշինյանը պնդում է, որ առաջիկա ընտրություններին ժողովրդի ձայների առնվազն 67 տոկոսը չստանալու դեպքում սեպտեմբեր ամսին Հայաստանի դեմ «աղետաբեր» պատերազմ կլինի։ Նա չի ասում՝ ո՞ր երկիրն է լինելու հարձակվողը, սակայն հասկացվում, է որ դա լինելու է Ադրբեջանը։ Սակայն այս անգամ էլ խորհրդարանի խոսնակն է խառնում Փաշինյանի քարտերը։ Ալեն Սիմոնյանը պնդում է, որ Ադրբեջանն է մեր երկրի երաշխավորը։ Հետեւաբար շատ դժվար պիտի լինի հասկանալ, թե «երաշխավոր» Ադրբեջանը ի՞նչպես է հարձակվելու «երաշխավորված» Հայաստանի վրա, եթե ժողովուրդը 67 տոկոսով չքվեարկի հօգուտ Նիկոլի։ Ու թեեւ Սիմոնյանը պնդում է նաեւ, որ փոխադարձաբար մենք էլ «երաշխավորն ենք» Ադրբեջան «երաշխավորին», սակայն անգամ նա՛ էլ չի բացահայտում, թե ինչպե՞ս ենք մենք «երաշխավոր» կանգնելու Ադրբեջան «երաշխավորին», ո՞վ է հարձակվելու վերջինիս վրա եւ ի՞նչ միջոցներով ենք պաշտպանելու մեր «երաշխավորին»։ «Երաշխավորների» երաշխավորված կռի՞վ է լինելու եւ արդյոք Ադրբեջանը գիտի՞, որ մենք իր «երաշխավորն» ենք։
Եվ՝ հարցերի հարցը. պարոնայք, չե՞ք կարող իրար մոտ նստել ու որոշել, թե ո՞վ՝ ո՞ւմ վրա է հարձակվելու եւ ո՞վ՝ ո՞ւմն է պաշտպանելու, որպեսզի ժողովուրդն էլ իմանա, թե ինչպես է քվեարկելու եւ… քանի՞ տոկոսով։
Հ.Ա.
